Drop Down MenusCSS Drop Down MenuPure CSS Dropdown Menu

23 ஆக., 2013

மனைவி...!


அதிகாலை அழகாக தெரிகிறது…
அவள் முகத்தில் விழிப்பதனால்!
ஒவ்வொரு நாளும் அவளோடுதான்...
ஆனந்தமாய் விடிகிறது!


ஒவ்வொரு நொடியும் அழகாக...
விதம்விதமாய்த் தெரிவாள்!
கழுவாத முகத்தோடும்
களையாக இருப்பாள்!
களைத்தாலும் சளைக்காமல்
அவள் வேலை முடிப்பாள்!
உழைத்தாடி வரும் தலைவன்
களைப்பெல்லாம் போக,
கனிவான வரவேற்று
அன்பாகப் பார்ப்பாள்!

 

குழந்தையாய் சிரிப்பாள்…
அவனோடு.... குழந்தையும் சுமப்பாள்!
உயிரோடு உயிராக…
உலகமே அதுவாக,
அவனுக்கும் அவளுக்குமாய்…

அவளின் சின்ன உலகத்துக்காய்...
அவள் தன் உயிரையும் கொடுப்பாள்!

ஒவ்வொரு மனைவியும்
அவள் கணவனுக்கு...
இரண்டாவது தாய்தான்!!!


So...Guys!
  :wub:  Love your wife!  :wub:

அக்கரை மாடொன்றின் கவிதை...


பழஞ்சோற்றிலும் பழைய மீன்குழம்பிலும் இருந்த ருசி,
இங்குள்ள பீட்சாவிலும் பர்கரிலும்  இல்லை!
நாட்டுக்கோழி... நம்நாட்டு நாட்டாடுபோல...
கென்டுக்கியும் மக்டொனால்டும்  இல்லவே இல்லை!!

 

அழகான காரிலிங்கு  சொகுசாக சுற்றினாலும்,
ஊரிலுள்ள தெருவெல்லாம்...
சைக்கிள் மிதித்துத் திரிந்ததுபோல்
சந்தோசமாயில்லை...!
பெட்டிக்கடையில் மிட்டாய் வாங்கிச் சாப்பிட்டால்,
வாய்மட்டுமா இனிக்கும்...?!
முழு மனசுமே சேர்ந்தினிக்குமே!



கிடைச்ச நேரமெல்லாம்
கந்தப்புவின்ர காணியில
விளையாடி மகிழ்ந்த கிரிக்கெட்டினை
நேரடி அலைவரிசையில்
பார்க்கமட்டுந்தான் முடிகிறது...
இரசிக்க முடியவில்லை!


அதிகாலை சுப்ரபாதத்தையும்
திருவெண்பா காலச் சங்கொலியையும்
அதிகாலைத் தூக்கத்திலும்
இரசித்த மனதுக்கு ...இப்பொழுதெல்லாம்,
வேலைகெழுப்பும்  அலாரம்
அவஸ்தையாய் இருக்கிறது!


 
இங்கையும் கோயில் இருக்கு... !
திருவிழாவும் நடக்குது...!?
ஆனால் ஊர்க்கோயில் திருவிழாவுக்கு
ஊர்ப்பெடியளோட போனதையும்,
சாமியைப் பார்க்காமல்
சாறிகட்டி வந்த பள்ளித் தோழிகளை
பார்த்து ரசிச்சதையும்
இப்பவும் நினைச்சு   ஏங்குது மனசு...!



நல்லெண்ணெய் வைத்து நன்றாக
இழுத்துக்கட்டிய  ரெட்டைப்பின்னலிலும்
எண்ணெய் வடியும்  சிரித்த முகத்திலும்
தெரிந்த பேரழகுக்கு நிகராய்,
இங்கு அலங்காரப்படுத்தப்பட்ட முகங்கள்
அழகாய்த் தெரியவில்லை!



அரும்புமீசை முளைக்க முன்னரே
அரும்பிய முதற் காதலையும்,
கொடுக்கப்படாத காதல் கடிதங்களையும்...
காலம் எனும் கறையான் அரித்துவிட்டாலும்,
இப்பொழுதும் அரும்புகின்ற நினைவுகள்...
குறுந்தாடியை விரல்களால்
மெதுவாக வருடத்தான் செய்கின்றது.



ஊரில் பட்டம்விட்டுத் திரிந்த சின்னப்பையன்...
இன்று நூலறுந்த பட்டம்போல,
எங்கோ ஒரு தேசத்தின் மூலையில்
'அகதி' என்ற பெயரோடும்...
அழகான ஊரின் அழியாத ஞாபகங்களோடும்!

24 ஏப்., 2012

இராப் பயணங்கள்...!


உரசும் இரு மூக்கு நுனிகளில் பற்றிய தீ ,
உடல் முழுதும் பரவிச்செல்ல...
கடல் மீது மிதக்கும் கப்பலானது,
தேகங்கள் இரண்டும்...!

மன அலைகளின் ஆக்ரோசம் அதிகமாக...
அமைதியான கடலும்,
ஆடிக்களிக்கும் ஆழிப்பேரலைபோல்...
அடங்காக் குணங்கொண்டது...!
நிமிர்ந்து நின்ற பாய்மரக் கம்பத்தால்...
வள்ளமும் கள்ளமாய் செல்லமாய்,
கொஞ்ச ... மோக வேகமெடுத்தது...!

யாருமில்லாத தீவொன்றில்...
கரையொதுங்கியது காமரசம் சுமந்த கப்பல்...!
பாய்ச்சிய நங்கூரம் தரைதொட்ட போதும்...
அலைகளோடு ஆடிக்கொண்டே இருந்தது,
தரைதட்டும் வரை...!

இரவோடு நிலவொளி புணர்ந்து,
வெள்ளி மலை முகடுகள் அலையலையாய்...
கார்கடற் பள்ளங்கள் மீ
தெழும்ப,
வேகமாய் கரைதேடி ஓடின நீரலைகள்..!

கரைகளில் களைத்துப்போன...
மூச்சுக்காற்றின் நீர்க்குமிழிகள்,
வெள்ளை நுரைகளாய் அடித்தோய்ந்து...
மீண்டும் கரைவரும் அலைகளில்...
கலக்கத் தயாராய் வெடித்து,
நீர்நிலையாகி நிலையெடுத்து நின்றன!

பாய்மரம் இறக்கிய கப்பல்,
மணற்கரைகளில் தவழ்கின்றது...
அடுத்த பயணத்துக்காக,
கடல் மீது இறங்க...!

மிதக்கும் நீரில் மூழ்கும்வரை,
கப்பல்களின் பயணங்கள் தொடரும்...!

8 மார்., 2012

வலிகளின் வானவில்


விரிந்து கிடக்கிற நீல வானத்தில்...
வெண்முகிலாய் என் எண்ணங்கள்... வேகமாய் ஓடி மறைய,
சட்டென உருவான இடிமின்னலில்...
அழுதுகொண்டே.... விழுகின்றேன்!

மீண்டும் நான் வானவில்லாய்... வண்ணங்களோடு!
வண்ணங்களை கொடுத்துச் சென்ற...
கருமுகில்களுக்கு நன்றி! :)

7 மார்., 2012

எதைத் தேடி அலைவது....???


சட்டெனத் தூறிய மழைத்துளியில்,
முற்றாக நனைந்து போனேன்...!
சாயம் போனவன் போலாகி... - காயமாகி,

அம்மணமாய் அழுது நின்றேன்!

 
வழமையாய்... நான் பேசினால்,
பத்து ஊருக்கு பவ்வியமாய்க் கேட்கும்...!
ஆனால், பேச இயலாத ஒருவனாய்... - அகதியாய்,

எங்கேயோ தொலைந்து போனேன் ..!

 
என் தாயின் முகம் மலர...
மாற்று நாமம் சூடிக்கொண்டேன்!
பல முகமூடி போர்த்திக்கொண்டேன்...! - ஆனால்,

உண்மையான என் முகம் தொலைத்து நின்றேன்!

 
நெருப்பாய் இரு... எரிக்காதே!
கனலாய் இரு ...கருக்காதே!
கருத்தாய் இரு.... வருத்தாதே!!! - இறுதியில்,

அர்த்தமற்ற பிழையாய் ... நின்றேன் !



என் மானங்காக்க.... அழகாய் உடுத்திக்கொண்டேன்!
என் பெண்டிர் விருப்பம்போல்.... வாங்கிக் கொடுத்தேன்!!
ஆனால், என் தாயவள் கற்பிழந்து நிற்க....


என் கழுத்திறுக்கும் கருத்துக்களோடு...
நெற்றிப்பொட்டினை துளைக்கத் துடிக்கும் பேனா முனைகளோடு...
மற்றவர் முன் அம்மணமாய்.... அருகதையற்றவனாய்,

தரையில் விழுந்த மீனைப்போல...
பாழ்பட்ட வலையில்... பிடிபட்ட மீனாக...
துடிக்கத் துடிக்க... உங்களுக்கு விருந்தாகின்றேன்!
பசியாற நீங்கள்...... உண்ட உணவாகின்றேன்!

பயம் தொடாத நிலத்திலிருந்து.... பத்தும் பேசலாம்!
பத்து ஜென்மம் எடுத்தாலும்... பேசாத ஜென்மங்களும் ,
பாவம் பழி புரியாத ... பாக்கியசாலிகளும்,
பத்திரமாய்.... அங்கேதான் இருக்கின்றார்! என்ன செய்தார்???

நிஜம் என்பது எப்பவுமே சுடத்தான் செய்யும்!
சுட்டவரின் நிஜத்தினை .... சூடாய் வரிக்கத் தயங்குவதேன்?!


காலம் என்பது எம்மை, சிலமுறைதான்...... தன்பால் அழைக்கும்!
மறுபிறவியில் நீங்கள்... மாற்றினத்தில் பிறக்கலாம்!
இம்முறையேனும் நேர்மையாய் இருங்கள் ... உங்களுக்கேனும்!

உங்கள் உறவுகளின் அழுகுரலுக்கான ...
எங்கள் குரல்கள், எங்கே ஒளிந்துகொண்டன....???!


எதைத் தேடி அலைவது...???
அழிவுகளின் தடயத்தினையா? அல்லது... உங்கள் உரிமைக் குரலினையா?


தயவுசெய்து பதில் தேவை... !!!